Marta Fernández Prieto

Breve CV

Marta Fernández Prieto é profesora titular da Facultade de Dereito (campus de Ourense) da Universidade de Vigo e membro do grupo de investigación Dereito Mercantil e do Traballo (DMT). A súa produción científica xira en torno a temáticas xurídico-laborais e de Seguridade Social moi diversas sobre as que ten numerosas publicacións (entre outras, novas formas de emprego e emprego atípico, autónomos precarios, traballadores novos, xornada de traballo, igualdade e discriminación, conciliación da vida laboral e familiar, traballo a tempo parcial, contrato de relevo, axencias de emprego, sucesión de empresa, cesión ilegal de traballadores, protección social, melloras voluntarias, xubilación, complementos de mínimos, desemprego, traballo no mar, etc.). Ven colaborando como investigadora en múltiples proxectos e accións con financiamento europeo, estatal, autonómico ou local. Foi decana da Facultade de Dereito (desde novembro de 2015 ata febreiro de 2023) e con anterioridade foi vicedecana e secretaria.