Comisión académica

Conforme ao establecido no Convenio de colaboración académica entre a Universidade de Vigo e o Ilustre Colexio de Avogados de Ourense de 16 de maio de 2012, son funcións da Comisión Académica as seguintes:

• Impulsar o cumprimento do obxecto do presente convenio polas partes.
• Propoñer o regulamento do réxime interno da propia comisión que deberá ser aprobado pola Comisión de Estudos de Posgrao.
• Aprobar os horarios de docencia, as probas de avaliación e a asignación das aulas de maneira coordinada cos centros de adscrición.
• Vixiar o cumprimento da actividade docente e académica (cumprimento de horarios de clases e titorías), velar pola dispoñibilidade dos espazos (aulas, equipos de videoconferencia, etc).
• Seleccionar ao estudantado admitidos no programa.
• Emitir informe para o recoñecemento de competencias e equivalencia de títulos estranxeiros de fóra do EEES.
• Formular as demandas de recursos humanos e materiais, debidamente xustificadas.
• Seleccionar ao estudantado para bolsas ou estadías de mobilidade noutros centros ou institucións nacionais e do Espazo Europeo de Educación Superior baixo os principios de igualdade e concurrencia competitiva.
• Elaborar e aprobar anualmente as guías docentes da titulación e remitilas ao centro para a súa aprobación pola Xunta del Centro seguindo a normativa establecida ao efecto.
• Elaborar e aprobar anualmente a Planificación Docente Anual (PDA).
• Aprobar anualmente o cadro de profesorado da titulación, así como a asignación de dito cadro ás materias do plan de estudos e remitilo á Comisión de Estudos de Posgrao para a súa aprobación.
• Elaborar e aprobar anualmente a asignación de horas do profesorado dacordo ao establecido no correspondente contrato programa.
• Aprobar anualmente o cadro de persoal titor de prácticas de acordo co seu cronograma.
• Elaborar e aprobar o orzamento anual da partida económica asignada á titulación e aprobar, ao peche do ano económico, a correspondente memoria económica á execución dos gastos realizados.
• Aquelas recollidas no Regulamento de Réxime Interno da Comisión Académica do Máster.
• Calquera outra función relacionada coa formación prevista neste convenio e que non esté asignada legalmente a órganos da universidade e do colexio de avogados.